сауытты пойыз

(Бронепоезд)

сырты сауытталған (оқтар мен жарықшақтан сақтану үшін) және қаруланған жылжымалы темір жол құрамы. С. п. темір жол аймағында ұрыс жүргізуге бейімделген, сондай-ақ әскерді атыспен қолдауға арналған. С.п-да сауытпен қапталған паровоз (тепловоз), екі немесе одан да көп вагондары немесе сауытты алаңдары, сондай-ақ 2—4 теміржолдық қалқалау платформа алаңы болады. Қаруланған сауытты вагонда борты мен айналмалы мұнараларына қондырылған 1—2 зеңбірегі, 4—8 пулеметі бар. Ұйымдық жағынан келгенде сауытты пойыз — әскери бөлімше (бөлім). Бірінші және Екінші дүниежүзілік соғыстарда пайдала-нылды. Ұлы Отан соғысы кезінде әуе шабуылына қарсы қорғаныста (ӘШҚҚ) зениттік зеңбіректер және пулеметтермен қаруланған сауытты пойыздар қолданылған. Олар ірі теміржол тараптары мен станцияларын әуедегі соққыдан қалқалауға арналған.